एम्ब्रॉयडरी अँड स्टिचींग क्लस्टर चंद्रपूर येथे स्वातंत्र्याचा ७६ वा वर्धापन दिन उत्साहात साजरा
एम्ब्रॉयडरी अँड स्टिचींग क्लस्टर चंद्रपूर येथे स्वातंत्र्याचा ७६ वा वर्धापन दिन उत्साहात साजरा
चंद्रपूर : आज दिनांक 15 ऑगस्ट 2023 रोजी केंद्र सरकारच्या स्फूर्ती योजनेअंतर्गत स्थापित सर्च एम्ब्रॉयडरी अँड कांथा स्टिचींग क्लस्टर फॉउंडेशन, चंद्रपूर येथे स्वातंत्र्याचा ७६ वा वर्धापन दिन मोठ्या उत्साहात साजरा करण्यात आला. प्रारंभी प्रतिमापूजन झाले व नंतर क्लस्टर मध्ये कार्यरत श्री. उमेश तन्हाळकर सीडीई यांचे हस्ते ध्वजारोहण करण्यात आले. ध्वजारोहण कार्यक्रमासाठी प्रमुख पाहुणे म्हणून चंद्रपूर येथील जेष्ठ नागरिक रामरावजी आल वजा रोहणा कार्यकमासाठी तसेच क्लस्टर मधील कार्यरत महिला कामगार, इतर कर्मचारी व परिसरातील नागरिक उपस्थित होते.
स्वातंत्र्य दिनानिमित क्लस्टर चे श्री. उमेश तन्हाळकर सीडीई यांनी महिला कामगारांना बहुमूल्य असे मार्गदर्शन केले तसेच श्री. रामरावजी वालदे यांनी स्वातंत्र दिनानिमित्त भाषण करतांना महिला कामगार यांचे कामाप्रती कौतुक करुन स्त्रीशक्ती, स्त्री एकात्मता भविष्यातील कामाच्या स्त्रियांना असणाऱ्या संधी याबाबत मार्गदर्शन करून महिला कामगार यांना शुभेच्छा दिल्या या कार्यक्रमाबद्दल क्लस्टर चे संस्थापक अध्यक्ष मा. इंजि. श्री. दिलीप झाडे यांनी शुभेच्छा दिल्या. तसेच क्लस्टरच्या संचालक आदिती दिलीप झाडे व आदित्य दिलीप झाडे यांची उपस्थिती लाभली. कार्यक्रमाचे प्रास्ताविक कु. रुविना खानं (प्रोडक्शन हेड) यांनी केले तर सूत्रसंचालन सौ. संगिता गैरकाडे (महिला कारागीर) यांनी केले. आभार प्रदर्शन करून सर्वाना अल्पोपहार देऊन
कार्यक्रमाची सांगता करण्यात आली. कार्यक्रमाचे यशस्वीकरिता सर्व महिला कामगार व इतर कर्मचारी यांचे सहकार्य लाभले